BASHKË PËR TIRANËN!

Paligjshmëria dhe pengesat burokratike nuk do ta ndalin hapin tonë. Lëvizja BASHKË është themeluar si vullnet i mijëra qytetarëve. Ajo synon të nxisë pjesëmarrjen dhe të mbrojë të drejtat e qytetarëve, duke përfaqësuar ide politike e shoqërore emancipuese.

Zgjedhjet lokale të 14 majit janë dita vendimtare për të nisur kthesën e madhe që i nevojitet Shqipërisë. Pika nevralgjike e saj do të jetë Tirana. Ndaj, pavarësisht bllokimeve dhe ndërhyrjeve korruptive, Lëvizja BASHKË do të dalë në fushëbetejën elektorale për t’u dhënë qytetarëve alternativën e munguar deri më sot.

Të nderuar bashkëqytetarë! Asgjë nuk mund të arrihet pa angazhimin dhe mbështetjen tuaj. Ju bëjmë thirrje të bashkoheni në zanafillën e rrugëtimit tonë zgjedhor!

Ditën e hënë, ora 18:00, te salla Unesco e Muzeut Historik Kombëtar.

Me forcën që na jep solidariteti dhe hallet e përbashkëta, të gjithë BASHKË!