SHQIPËRINË DO TA BËJMË BASHKË

Dëmi më i madh që na kanë bërë pushtetarët keqbërës të këtyre 30 viteve nuk është as vjedhja sistemore, as nëpërkëmbja e demokracisë, por injektimi i dëshpërimit shoqëror se ne jemi të pafuqishëm për ta bërë vendin tonë. Këtë pesimizëm e kemi hasur te qytetarë të ndryshëm gjatë fushatave të panumërta, nga Karta Sociale e minimumi jetik, te mbledhja e nënshkrimeve për themelimin e Lëvizjes Bashkë.

Në fakt e vërteta është krejt ndryshe, dhe këtë e dinë ata që na sundojnë. Ata e dinë se çfarë fuqie potenciale kemi, ndaj u duhet të na mashtrojnë e çoroditin.

Ne, 95-përqindëshi deri më sot i shfrytëzuar e poshtëruar i shoqërisë, kemi forcën t'u kundërvihemi pushtetarëve e oligarkëve.

Ne kemi fuqinë të ndërtojmë një mëmëdhe të begatë, të drejtë e demokratik.

Çka na duhet është e thjeshtë: besim te njëri-tjetri, organizim dhe solidaritet.

SHQIPËRIA BËHET

BASHKË!

- Foto nga aksioni i aktivistëve të Lëvizjes Bashkë në prag të festës së Vitit të Ri.