KRIM MAKABËR DHE I PËRSËRITUR NDAJ GRAVE

Sot, një kriminel vrau dy gra dhe plagosi tre të tjera, ndërkohë që dyshohet edhe për një viktimë të tretë. Ajo çka e bën më të tmerrshme ngjarjen është fakti që krimineli ishte dënuar më herët për vrasjen e një gruaje dhe përdhunimin e një tjetre. Çka e bën më ulëritëse është fakti që një keqbërës i tillë është liruar nga burgu nga zyrtarë shtetërorë të papërgjegjshëm.

Sot, nuk vrau vetëm një kriminel. Sot, vrau një shtet i tërë i korruptuar deri në palcë.

Jeta, siguria dhe të drejtat e grave dhe vajzave sot në Shqipëri janë të rrezikuara jo vetëm nga keqbërësit dhe papërgjegjshmëria shtetërore, por edhe nga një frymë e përhapur në shoqëri që justifikon dhunën ndaj gruas dhe i nënçmon gratë.

Duhet t'i themi ndal vrasjes së grave!

Dënim maksimal për fajtorët dhe përgjegjësit e çdo krimi me bazë gjinore!

Barazi edhe gjinore!