HAJDUTË XHEPASH NË PARLAMENT

Edhe pse pasanikë, me prona dhe paga të majme, deputetët e Kuvendit të Republikës nuk ngurrojnë të abuzojnë edhe me ofertat telefonike apo shpenzimet me karburant.

Sipas një lajmi të "Ora News"-it, shumica e deputetëve paguhen 20.000 lekë të reja në muaj për oferta telefonike, edhe pse oferta më e shenjtë ne treg është vetëm 2.200 lekë. Kurse për karburant, shpenzimet e mbuluara nga shteti shkojnë deri në 40.000 lekë, më shumë se paga e një sanitareje, rojeje apo bukepjekësi. Të mos harrojmë këtu dietat dhe pagesat e qirave, të cilat shkojnë rreth 50-60 milionë lekë të vjetra çdo muaj, sipas listëpagesave të publikuara në faqen zyrtare të Kuvendit.

Niveli i hajduterisë dhe abuzimit që ka kapluar "përfaqësuesit" parlamentarë ka marrë përmasa groteske. Rasti më tipik është ai i Arben Ahmetajt, i cili, edhe pse person me prona dhe para të mëdha të bëra si ministër, doli se edhe dhomën e hotelit ia paguanin oligarkët.

Qytetarë, kini kujdes! Nëse ju qëllon të jeni në një kafene ose rrugë me këta njerëz, ruani telefonat dhe xhepat! Nuk është çudi që duart e tyre të gjenden në portofolët tuaj.