GËZUAR PASHKËT!

Sot bashkëqytetarët tanë katolikë festojnë një nga ditët më të shënuara të vitit. Në historinë e krishterimit Pashkët bartin domethënien e shpresës që lind pas kalvarit të sakrificave për të vërtetën dhe të drejtën, e ngadhënjimit mbi vdekjen dhe robërinë.

Jeta dhe veprimtaria e Jezu Krishtit janë shembull i përpjekjes për drejtësi shoqërore. Çka reflektohet edhe në mesazhin e Papa Françeskut më 20 shkurt të këtij viti: “Drejtësia shoqërore kërkon që ne të luftojmë kundër shkaqeve të varfërisë: pabarazisë dhe mungesës së punës, tokës dhe banesës; kundër atyre që shkelin të drejtat shoqërore e të drejtat në punë; si dhe kundër kulturës që sjell nëpërkëmbjen e dinjitetit të të tjerëve.”

Në këtë ditë të shënuar Lëvizja BASHKË i uron përzemërsisht besimtarët katolikë: Gëzuar Pashkët!