DËNOJMË SULMIN NDAJ MEDIAS

Në orët e para të mëngjesit opinioni publik është tronditur nga vrasja e punonjësit të sigurisë Pal Kola dhe sulmi me armë ndaj televizionit kombëtar Top Channel. Ky akt kriminal i dyfishtë duhet hetuar deri në fund, duke nxjerrë përpara ligjit të gjithë përgjegjësit dhe nxjerrë në dritë motivet dhe qëllimet e tij.

Punonjësit e medias dhe roli i saj si përçuese e të vërtetës janë në kërcënim të disafishtë. Ndërkohë që, siç ndodh rëndom në një vend të qeverisur nga logjika korruptive e kriminale, viktimat e para të krimit janë punëtorët e thjeshtë.

Lëvizja BASHKË i shpreh ngushëllime familjes së të ndjerit Pal Kola dhe shpreh solidaritetin e saj me të gjithë gazetarët dhe punonjësit e Top Channel-it.