15 VJET NGA GËRDECI

Shpërthimi që u mori jetën 26 njerëzve në tragjedinë e Gërdecit është padyshim një nga ato ngjarje që lënë gjurmë të thella në memorien kolektive.

15 vjet kanë kaluar, por makutëria e politikanëve dhe oligarkëve nuk është mpakur, e njësoj si atëherë edhe sot, për hir të fitimeve ata janë të gatshëm të sakrifikojnë jetë njerëzish.

Gërdeci ishte mina e Shkëlzen Berishës që i plasi në dorë Sali Berishës, teksa Edi Rama i binte shpatullave të ish-kryeministrit si për të thënë se këtë parehati e ndanin të dy.

Dhe padyshim që e ndanin të dy, pasi partneri i Shkëlzen Berishës – Mihal Delijorgji – ishte njëkohësisht edhe partner i Edi Ramës.

15 vjet më pas, Shkëlzen Berisha shijon jetën e tij mondane, Mihal Delijorgji ndan paratë e pallateve me Edi Ramën, ndërsa Sali Berishës i ka humbur vula.

15 vjet më pas, për jetët e 26 njerëzve të pafajshëm nuk ka asnjë përgjegjës.