Qarku Tiranë

I diplomuar për inxhinieri ndërtimi në Universitetin e Mançesterit në Mbretërinë e Bashkuar (2005-2009) dhe bartës i gradës doktor shkencash, prej 14 vitesh Redi Muçi punon si pedagog në Universitetin Politeknik të Tiranës, përkatësisht në Fakultetin e Gjeologjisë dhe Minierave.

Përveç përvojës akademike, prej 14 vitesh angazhohet në sferën publike si aktivist i kauzave të shumta, veçanërisht në lëvizjen studentore kundër ligjit famëkeq për arsimin e lartë (2014-2018), në protestat kundër tjetërsimit të godinës së fakultetit të tij dhe në të gjitha kauzat e tjera që aktivistët e Lëvizjes BASHKË kanë çuar përpara për më se një dekadë.

Redi Muçi është gjithashtu përkthyes i librit të shumëlexuar "Tekno-feudalizmi" i Janis Varufakis, pjesëmarrës në shumë konferenca me tematikë shkencore dhe ideo-politike, si dhe i apasionuar pas sportit të climbing-ut, kinemasë dhe jetës kulturore bashkëkohore në përgjithësi.

Ndershmëria, serioziteti, intelektualizmi dhe fryma e qytetarisë janë disa nga virtytet e tij të cilat do ta pasurojnë pas 11 majit jetën parlamentare në Shqipëri.

Si kryetar i Lëvizjes BASHKË që prej dhjetorit 2022, Arlind Qori ka një histori të gjatë angazhimi në kauza punëtore, studentore dhe qytetare. Paralelisht me aktivitetin politik, ai është pedagog në Departamentin e Shkencës Politike në Fakultetin e Shkencave Sociale të Universitetit të Tiranës.

Arlind Qori është diplomuar në Shkenca Politike në vitin 2004 dhe ka përfunduar studimet master në Departamentin e Sociologjisë dhe Filozofisë në vitin 2009, me disertacionin “Filozofia postmoderne dhe të drejtat e njeriut”. Në vitin 2015, ai përfundoi studimet e doktoratës me tezën “Ideja e Evropës dhe ideologjia shqiptare: Studim i rolit të idesë së Evropës në ideologjizimin e ligjërimit politik shqiptar pas vitit 1991”, duke fituar titullin Doktor i Shkencave. Prej vitit 2005, ai është pedagog i brendshëm në Universitetin e Tiranës, ku ndër vite ka dhënë lëndë si “Historia e mendimit politik”, “Teori të zhvillimit”, “Ligjërimi politik pasmodern”, “Teori të demokracisë”, etj.

Rrugëtimi i tij në angazhimin politik nisi pas protestës së 21 janarit 2011, një ngjarje që tronditi opinionin publik dhe e shtyu atë të angazhohej në Organizatën Politike. Për më shumë se një dekadë, ai ka qenë në vijën e parë të protestave dhe aksioneve politike, duke mbështetur kauza të rëndësishme shoqërore.

Arlind Qori ka qenë një nga figurat kyçe të Lëvizjes Për Universitetin, një lëvizje studentësh e pedagogësh që u formua si përgjigje ndaj reformave neoliberale në arsimin e lartë. Që nga viti 2012, ai ka qenë një zë i fortë kundër komercializimit të arsimit të lartë, kundër tarifave të papërballueshme të studimit dhe abuzimeve nga ana e pedagogëve dhe administratës drejtuese. Ai ishte pjesëmarrës aktiv në protestat studentore të viteve 2014-2017, si dhe në protestën masive të dhjetorit 2018, një nga mobilizimet më të mëdha studentore në historinë e Shqipërisë.

Një nga betejat e tij kryesore ka qenë gjithashtu mbështetja e organizimit të punëtorëve në sindikata. Ai ka mbështetur grevat e minatorëve të Bulqizës, protestat e naftëtarëve, si dhe një sërë aksionesh në mbrojtje të punëtorëve fason dhe punonjësve të qendrave të kontaktit.

Arlindi është një politikan atipik sepse nga 14 vjet aktivizëm në kauza sociale, ai është angazhuar elektoralisht si politikan për vetëm 2 vjet.

Arlindi është një politikan atipik sepse si kryetar i Lëvizjes BASHKË ai nuk i prin listës së kandidatëve, një zotim që e bëri menjëherë pas zgjedhjeve lokale të vitit 2023: “Këto 14 mijë vota të Lëvizjes BASHKË nuk janë privilegj, prandaj unë nuk do të jem i pari në zgjedhjet e radhës.”

Arlindi është një politikan atipik sepse thotë të vërtetën mbi oligarkinë ekonomike që ka kapur për fyti shoqërinë shqiptare. Ai thotë të vërtetën, kur gjithë të tjerët heshtin, i vetëdijshëm se e vërteta do të sjellë pasoja në censurën mediatike, në sulmet personale dhe akuzat ndaj Lëvizjes BASHKË.

Arlindi është një politikan atipik sepse ai nuk do të jetë politikan. Bota akademike dhe mësimdhënia për të janë “puna më e bukur në botë” nga e cila detyrohet të heqë dorë për hir të parimeve dhe bindjeve të tij që e shtyjnë të hyjë në politikë.

Parlamentit shqiptar sot i duhen njerëz me integritet moral dhe profesional, politikanë atipikë si Arlind Qori, që do të përfaqësojnë mbarë shqiptarët e ndershëm e të virtytshëm pas zgjedhjeve të 11 majit.

Bora Mema është një aktiviste me mbi 11 vjet përvojë në mbrojtjen e të drejtave të studentëve, punëtorëve dhe grave, si dhe në organizimin sindikal dhe edukimin politik.

Bora ka studiuar Histori në Universitetin e Tiranës, me fokus në lëvizjet sociale. Studimet master i ka ndjekur në fushën e studimeve të globalizimit dhe politikave të punës, në Universitetin e Kassel-it dhe Berlin School of Economics and Law, në Gjermani. Fusha e saj kërkimore është zhvillimi i qëndrueshëm dhe modelet e tij ekonomike.

Aktualisht, ajo punon si hulumtuese në fushën e Ekonomisë Politike Globale në departamentin kërkimor të Unite the Union në Londër, sindikata më e madhe në Britaninë e Madhe. Ajo angazhohet në hartimin e strategjive dhe fushatave ndërkombëtare kundër korporatave abuzive, si pjesë e luftës globale kundër oligarkisë.

Bora është një nga themelueset e Lëvizjes Për Universitetin, që kundërshtoi reformën në arsimin e lartë në Shqipëri dhe u bë frymëzim për protestat studentore të viteve 2018–2019. Për shkak të aktivizmit të saj, është ndjekur dhe dënuar nga gjykata për veprimin simbolik të hedhjes së vezëve ndaj Edi Ramës në nëntor të vitit 2015.

Që prej vitit 2018, ajo ka koordinuar organizimin e sindikatave të pavarura në sektorë si call center, miniera, rafineritë e naftës dhe fasoneritë, si dhe ka qenë një nga organizatoret e fushatës Bojkoto Samir Manen dhe të fushatës elektorale të minatorëve në Dibër në vitin 2021.

Angazhimi i saj nuk është kufizuar vetëm në Shqipëri. Bora ka qenë pjesë e fushatave globale për organizimin e punëtorëve në korporata shumëkombëshe si Amazon, duke ndihmuar në organizimin e punëtorëve shqiptarë emigrantë në New York në fushatat kundër Jeff Bezos-it.

Gjatë studimeve në Gjermani dhe stazhit në Bruksel pranë Institutit ETUI, ajo ka qenë aktive në lëvizjet për paqe dhe veçanërisht në mbështetje të popullit palestinez.

Bora është gjithashtu një nga trajneret kryesore të programit ndërkombëtar "Organizing for Power" – një nga shkollat më të mëdha të trajnimit për organizatorë sindikalë në botë, me mbi 40,000 pjesëmarrës nga vende të ndryshme.

Përtej angazhimit të saj në politikë dhe aktivizëm, Bora angazhohet që fëmijë në not, ski dhe alpinizëm dhe praktikon në kohën e lirë kërcimin tango dhe pianon.

Në zgjedhjet parlamentare të vitit 2025, Bora Mema kandidon për deputete në qarkun e Tiranës në emër të Lëvizjes BASHKË. Me një përvojë të gjatë në organizimin sindikal, mbrojtjen e të drejtave të punëtorëve dhe një formim akademik të thelluar mbi zhvillimin ekonomik dhe politik, ajo angazhohet për të ndërtuar një alternativë ndryshe — të ndershme, të drejtë dhe në shërbim të shumicës.

Jani Marka do të jetë i katërti në listën për deputet të kandidatëve të Lëvizjes BASHKË për qarkun e Tiranës. Jani Marka është një ndër aktivistët më të rëndësishëm dhe me përvojë të Lëvizjes BASHKË.

Pas diplomimit në vitin 2003 në degën e Biologjisë nga Fakulteti i Shkencave të Natyrës (UT), Jani fitoi titullin Doktor i Shkencave në vitin 2014 me temën “Briofite të Shqipërisë: studim floristik dhe ekologjik”. Karriera e tij në mësimdhënie dhe kërkim shkencor shtrihet në dy dekada gjatë të cilave numërohen me dhjetëra publikime shkencore që mbajnë emrin e tij.

Përveç karrierës akademike, Jani është një ndër themeluesit e Lëvizjes BASHKË (ish-Organizata Politike) dhe prej vitit 2011 ka qenë ndër zërat kryesorë të artikulimit tonë politik në sferën publike. Aktualisht ai është anëtar i Sekretariatit të Lëvizjes BASHKË.

I përkushtuar si pakkush tjetër në angazhimin e tij nëpër dhjetëra protesta për kauza të ndryshme, me përvojën dhe maturinë e tij Jani ka qenë përherë një zë i arsyes. Gjithashtu, ai është nga të paktët pedagogë e intelektualë të angazhuar në mënyrë aktive në mbështetje të protestave studentore kundër reformës privatizuese në arsimin e lartë.

Interesi dhe leximet e tij mbi fushat humane e bëjnë Janin njëkohësisht një njohës të mirë të ekonomisë dhe të politikave sociale e zhvillimore. Jani është edhe njohës i çështjeve që lidhen me mbrojtjen e natyrës dhe ekosistemeve, me zhvillimin e qëndrueshëm etj. Po ashtu ai ka qenë një nga kontribuesit më të rëndësishëm në hartimin e programit qeverisës të Lëvizjes BASHKË.

Jani Marka është shembulli i qytetarit të ndershëm, aktivistit të përkushtuar dhe intelektualit të arrirë. Të gjithë ne, anëtarët e Lëvizjes BASHKË, do të angazhohemi fuqimisht që pas zgjedhjeve të 11 majit që Jani Marka të përfaqësojë denjësisht popullin e Tiranës në sallën e Kuvendit të Shqipërisë.

Albina Ruko do të jetë pjesë e listës së kandidatëve për deputetë të Lëvizjes BASHKË për qarkun e Tiranës.

Në një vend ku politika shpesh është monopol i të njëjtëve emra dhe të njëjtave klane, emri i Albinës vjen si frymë ndryshimi. Albina Ruko është një zë i ri, i pastër dhe i përkushtuar, që përfaqëson më së miri një brez të lodhur nga padrejtësia, por të vendosur për të mos u dorëzuar.

E diplomuar për sociologji, Albina nuk ka vetëm një mendje të formuar, por edhe një zemër që e njeh nga afër përpjekjen. Ka punuar që në moshë të re, duke përballuar punë të vështira, ndërkohë që studionte dhe angazhohej në kauza publike. Prej më shumë se një dekade, është aktive në lëvizje sociale që kanë synuar drejtësi për studentët, punëtorët dhe shtresat më të margjinalizuara. Ajo nuk ka qenë asnjëherë spektatore – ka qenë gjithmonë në radhët e para.

Hobet e saj janë udhëtimet, futbolli dhe leximet – tre pasione që e përshkruajnë më së miri: kërkuese e dijes, me shpirt gare dhe e hapur ndaj botës. Këto nuk janë thjesht interesa personale, por pjesë e formimit të një personaliteti të ndershëm, të drejtë dhe të lidhur fort me jetën reale të njerëzve.

Të jesh në listën e Tiranës nuk është një dekor për Albinën – është një përgjegjësi që ajo e mban me dinjitet. Dhe është një shans për të gjithë ne që të kemi në Kuvend një zë të brezit që ka rritur zërin për t’u dëgjuar: pa privilegje, pa mbështetje nga lart, por me meritë dhe guxim.

Albina Ruko është më shumë se një kandidate. Është simbol i asaj Shqipërie që nuk dorëzohet! Dhe ajo meriton votën, jo vetëm për veten e saj, por si përfaqësuese e një brezi të rinjsh, pa rini.

Qani Shino do të jetë pjesë e listës së kandidatëve për deputetë të Lëvizjes BASHKË në qarkun e Tiranës.

Qani Shino, ish-minator i Valiasit, është një nga figurat më të qëndrueshme të punëtorisë shqiptare. Emri i tij lidhet me historinë e rezistencës punëtore në vend, që nga dhjetori i vitit 1990, kur së bashku me shokët e tij të minierës u bashkua me studentët në lëvizjen që shënoi fillimin e një epoke të re politike për Shqipërinë. Ishin pikërisht minatorët e Valiasit ata që, në atë moment vendimtar, thyen frikën dhe i dhanë një shtysë të fuqishme kërkesës për ndryshim.

Shino është një nga zërat më të fuqishëm të kauzës për Statusin e Minatorit, një betejë që ai e ka udhëhequr për më shumë se tre dekada. Ai ka qenë i pranishëm në çdo protestë, ka folur në çdo media që ka pasur guximin t’i japë zë punëtorëve dhe ka përballuar me dinjitet përbuzjen e qeverive që u kanë kthyer shpinën atyre që ndërtuan Shqipërinë. Sot, ai përfaqëson një brez të tërë minatorësh që kanë derdhur gjak dhe djersë, por janë lënë në mëshirën e fatit. Me mbështetjen e Lëvizjes BASHKË, janë dorëzuar mbi 11 mijë firma për miratimin e këtij statusi, të cilat Kuvendi i ka lënë në sirtar.

Përtej kauzës së minatorëve, Qani Shino është një nga përkrahësit më të vendosur për njohjen e Minimumit Jetik. Ai ka marrë pjesë aktivisht në mbledhjen e 21 mijë firmave që Lëvizja BASHKË dorëzoi në Kuvend, së bashku me një projektligj të hartuar nga ekspertë. Me një pension prej vetëm 18,700 lekësh në muaj, ai e di në lëkurë çfarë do të thotë të jetosh me ndihmë poshtëruese, ndërkohë që politikanët jetojnë në luks. Për të, minimumi jetik nuk është thjesht një masë sociale – është themeli i një shoqërie që mbron më të dobëtit.

Qani Shino ka qenë një nga figurat kryesore të 8 protestave të pensionistëve të organizuara nga Lëvizja BASHKË për rritjen e pensioneve dhe miratimin e minimumit jetik – protesta që kanë turbulluar qeverinë dhe vënë në siklet vetë Edi Ramën. Ato protesta, të drejta dhe të qëndrueshme, e detyruan pushtetin të shpallë bonuse elektorale dhe të pranojë në heshtje se brezi i tretë është lënë në harresë.

Kandidatura e Qani Shinos është një akt i thellë politik dhe moral. Ai nuk vjen nga tavolinat e oligarkëve, por nga galeritë e minierave. Ai nuk është emër që kërkon pushtet për vete, por përfaqësim për një klasë të tërë të përjashtuar. Ai është dëshmi se Lëvizja BASHKË nuk është një parti si të tjerat – është zëri i atyre që për dekada nuk janë dëgjuar.

Me përfshirjen e tij në listë, Lëvizja BASHKË i jep një vend në Kuvend historisë së gjallë të lëvizjes punëtore shqiptare dhe i kujton politikës se dinjiteti nuk ka moshë, por ka forcë për të ndryshuar botën. Vota për Qani Shinon është votë për drejtësinë sociale, për punëtorët, për pensionistët që s’u gjunjëzuan dhe për Shqipërinë që do të vijë.

Jonida Sela (Çunga) do të jetë kandidate e Lëvizjes BASHKË në qarkun e Tiranës.

E lindur në 27 prill 1985 në Tiranë, Jonida ka ndërtuar një rrugëtim të akademik dhe profesional që ndërthur artin, kërkimin shkencor dhe angazhimin shoqëror. Ajo kreu studimet e larta në Akademinë e Arteve, në degën e Aktrimit. Sot është pedagoge në Universitetin e Arteve, duke ndihmuar në formimin e brezave të rinj të artistëve dhe kontribuar në zhvillimin e artit dhe edukimit kulturor në vend.

Në vitin 2019, ajo fitoi gradën "Doktor i Shkencave" në Etnologji dhe Folklor, duke thelluar më dijet kulturore dhe njohjen e traditës. Eshtë ideatore dhe autore e “Arapëve të Polenës”, një kërkim mbi këtë rit ilustruar me foto. Në punimet e saj kërkimore, Jonida është përqendruar në tematika si ritet kalendarike, maskat dhe karnavalet, duke ndihmuar në ruajtjen dhe promovimin e trashëgimisë shpirtërore të popullit tonë. Artikujt e saj janë një kontribut për studimet etnografike dhe pasqyrojnë një përkushtim serioz për të njohur identitetin kulturor shqiptar.

Përtej angazhimit profesional, Jonida ka qenë pjesë aktive e jetës shoqërore dhe politike, duke u aktivizuar në protestat e organizuara nga Lëvizja BASHKË dhe në angazhime të tjera qytetare që synojnë mbrojtjen e të drejtave sociale, barazinë gjinore dhe ndërtimin e një shoqërie më të drejtë. Ajo beson se ndryshimi i vërtetë nis nga angazhimi qytetar dhe solidariteti midis njerëzve.

Në jetën e saj personale, Jonida është një eksploruese e pasionuar e botës. Udhëtimi dhe njohja e kulturave të ndryshme janë jo vetëm një hobi, por edhe një mënyrë për të zgjeruar horizontet dhe për të kuptuar më mirë diversitetin e pasur të shoqërive njerëzore. Ky përjetim i drejtpërdrejtë me kultura të tjera i ka forcuar bindjen se një shoqëri e shëndoshë e bazuar në respekt dhe drejtësi mund të ndërtojë një të ardhme më të mirë për të gjithë.

Për Jonidën, angazhimi në Lëvizjen BASHKË është një zgjedhje që ndërlidh pasionin e saj për kulturën, arsimin dhe drejtësinë shoqërore me një projekt politik që synon një Shqipëri më të drejtë, më të barabartë dhe më të përparuar.

Angazhuar në kauzën e ish-minatorëve dhe pensionistëve.

Arsimi:

• Arsim i mesëm

Eksperienca pune:

• Matës i gazeve nëntokësore, Miniera e Valiasit
• Tornitor, Uzina Dinamo

I lindur dhe rritur në kryeqytet, Demian Mrishaj ka ndjekur shkollimin 9-vjeçar në shkollën “Skënder Luarasi” në Laprakë, një lagje periferike ku informaliteti, mungesa e shërbimeve publike dhe problemet urbanistike janë ende plagë të përditshme. Kjo përvojë e ka lidhur ngushtë me realitetin e banorëve të Tiranës që ndihen të përjashtuar nga zhvillimi i pabarabartë i qytetit.

Demiani ka përfunduar studimet bachelor në Punë Sociale dhe masterin në Administrim dhe Shërbime Sociale në Universitetin e Tiranës. Si shumë të rinj në Shqipëri, është përballur me mungesën e mundësive për të ushtruar menjëherë profesionin e tij, ndaj për disa vite ka punuar në sektorin e turizmit, për të siguruar jetesën dhe pavarësinë ekonomike.

Prej vitesh është i angazhuar si vullnetar dhe punonjës social në qendrën “Don Bosko” në Tiranë dhe aktualisht po punon si punonjës social. Ai punon me fëmijët e komuniteteve rom, egjiptian dhe të shtresave në nevojë. Përtej mbështetjes sociale dhe edukative, ai ka krijuar edhe një grup të vogël sportiv, duke stërvitur fëmijët për futboll dhe duke u dhënë atyre jo vetëm aftësi, por edhe shpresë dhe motivim.

I apasionuar pas sportit dhe leximit, Demiani përfaqëson një brez të ri profesionistësh që e njohin nga afër realitetin social të vendit dhe që janë të gatshëm ta ndryshojnë atë nga rrënjët. Me përkushtim, devotshmëri dhe ndjeshmëri sociale, ai sjell në politikë një përvojë konkrete dhe njerëzore nga terreni – nga lagjet e Tiranës që nuk kanë pasur përfaqësim të vërtetë për vite me radhë.

Alfred Bushi do të jetë pjesë e listës së kandidatëve për deputetë të Lëvizjes BASHKË për qarkun e Tiranës.

I lindur në Krajn të Lezhës dhe i rritur në Tiranë, Alfredi është formuar si intelektual mes Shqipërisë dhe Italisë. Ai përfundoi studimet universitare për Shkenca Ndërkombëtare dhe Diplomatike në Universitetin e Bolonjës dhe kreu Masterin në Teori Politike në Fakultetin e Shkencave Sociale (UT), aty ku prej vitesh jep mësim si pedagog i jashtëm.

Alfredi është edhe një përkthyes i përkushtuar dhe bashkëthemelues i shtëpisë botuese "Dritëhije". Përmes punës së tij kanë ardhur në gjuhën shqipe disa nga autorët më të rëndësishëm të mendimit kritik si Benedetto Croce, Antonio Gramsci, Domenico Losurdo, Giorgio Agamben dhe Marco Revelli.

Si bashkëautor i dy studimeve mbi kushtet e punëtorëve në Shqipëri dhe mbi zhvillimin dhe problematikat e fshatarësisë, Alfredi është një njohës shumë i mirë i realitetit shqiptar. Sfidat e punëtorëve të sektorëve të ndryshëm si në miniera, fasoneri, call center-a, ndërtim etj. por edhe problemet e bujqve e të blegtorëve me fragmentarizimin e tokës, pamundësia e nxjerrjes së produkteve në treg dhe mungesën e subvrncioneve nga shteti, janë të trajtuara me hollësi në këto studime.

Alfred Bushi përfaqëson modelin e intelektualit të angazhuar, me një kontribut të vyer si në botën akademike e lëmin e letrave, ashtu edhe në kauzat sociale për një shoqëri më të drejtë. Përfaqësimi i tij në parlamentin shqiptar për Lëvizjen BASHKË do të jetë një vlerë e shtuar.

Prej kohësh e angazhuar në shoqërinë civile si pjesë e "Organizata Politike" si dhe anëtare themeluese e partisë "Lëvizja BASHKË"

Arsimi:

• Doktor Shkencash, Universiteti Politeknik i Tiranës
• Inxhinier Gjeolog, Universiteti Politeknik i Tiranës

Eksperienca pune:

• Staf akademik - kategoria Profesor, Universiteti Politeknik i Tiranës
• Drejtuese Teknike, Agbes - SHPK

Boris Belortaja është jurist, studiues dhe aktivist, pjesë e një brezi të ri të përkushtuar ndaj drejtësisë shoqërore dhe një transformimi të thellë demokratik. Ai ka lindur në Tiranë dhe është me origjinë nga Korça. Arsimin e mesëm e ka përfunduar në gjimnazin “Petro Nini Luarasi” në Tiranë, një nga shkollat më të mira të vendit për formim akademik dhe qytetar.

Pas gjimnazit, Boris ka ndjekur studimet juridike në nivel ndërkombëtar. Ai është diplomuar me gradën Master i Avancuar në të Drejtën Evropiane dhe Ndërkombëtare pranë Europa-Institut të Universitetit të Saarlandit në Gjermani. Aktualisht është kandidat për doktoraturë, me një temë që fokusohet në marrëdhënien ndërmjet të drejtës së mbrojtjes së privatësisë dhe të dhënave personale, dhe lirisë së shprehjes në hapësiren digjitale Europiane.

Ai ka punuar si asistent akademik në Europa-Institut, ku është angazhuar në koordinimin e programit akademik, dhe kërkim shkencor në fushën e ligjit. Aktualisht është asistent redaktor dhe raportues ligjor pranë EU Law Live, një platformë e njohur, ku komenton mbi zhvillimet më të fundit në të drejtën e Bashkimit Evropian.

Boris është shumë i ndjeshëm ndaj padrejtësive shoqërore dhe beson se e drejta dhe politika duhet t’u shërbejnë njerëzve të zakonshëm, e jo një pakice elitare. Strategjia e tij politike bazohet në krijimin e një tregu të lirë, të mirë rregulluar, dhe mirëqeverisur, ku të drejtat e punëtorëve, qytetarëve dhe ndërmarrjeve të vogla mbrohen fuqishëm dhe ku institucionet qëndrojnë mbi shtyllat e ligjit dhe barazisë.

Ai është i përkushtuar ndaj mbrojtjes së të drejtave të grupeve të margjinalizuara, transparencës në jetën publike dhe ndërtimit të një shteti që vendos në qendër dinjitetin njerëzor, e jo interesat klienteliste.

Kur nuk është i përfshirë në leximin e teksteve ligjore apo në debate mbi të ardhmen e drejtësisë shoqërore, Boris është një ndjekes i rregullt i sportit të basketbollit, dhe aktiviteteve kulturore dhe shoqërore publike. Ai ka gjithashtu interes të thellë për gjuhët e huaja, filozofinë politike dhe letërsinë, të cilat i sheh si mjete për të kuptuar më mirë botën dhe për të ndërtuar ura komunikimi mes njerëzve.

Boris Belortaja është zëri i një brezi të ri që kërkon një ndryshim të vërtetë në politikë – përmes dijes, ndershmërisë dhe guximit.

Kandidatura e tij në listën e Lëvizjes BASHKË për qarkun e Tiranës është një thirrje për një Shqipëri ku shteti i shërben shumicës, e jo pakicës. Borisi përfaqëson zërat e të rinjve dhe qytetarëve që kërkojnë drejtësi, dinjitet dhe një të ardhme në vendin e tyre.

Arsimi:

• MBA, Fakulteti i Ekonomisë, UT
• Drejtësi, Universiteti Kristal
• Histori, Fakulteti i Histori-Filologjisë, UT

Eksperienca pune:

• Administratore, Bia Advisorz Services Shpk
• Administratore, Adventive Business Support & Sol
• Drejtore Administrate, Spitali Amerikan
• Drejtore Burime Njerëzore, Rogner Europapark

Prej 3 vitesh anëtar i Lëvizjes BASHKË.

Arsimi:

• Arsim i mesëm, Gjimnazi "Partizani"

Eksperienca pune:

• Agjent Imobiliar, ALIS.AL
• Operator telefonik, LAIUTO.AL
• I vetëpunësuar, mini-market Autora

Arsimi:

• Master në Ekonomi-Biznes, Universita Ca' Foscari
• Bachelor në Ekonomi, Universita Ca' Foscari

Eksperienca pune:

• Sekretare Administrative, La Briccola SRL

Angazhuar prej 35 vitesh në çështjet mjekësore si dhe angazhuar në emisionin "Trupi dhe Shënderi" në RTSH.

Arsimi:

• Master Mjekësi (Stomatologji), Universiteti i Mjekësisë

Kualifikime:

• Specialiste terapie stomatologe, IVOCLAR-VIVADENT (Lichtenstein)
• Specialiste terapie stomatologe, Universiteti i Lubjanës (Slloveni)

Eksperienca pune:

• Stomatologe, Klinika Stomatologjike Çako
• Stomatologe, Poliklinika Gjallica

E lindur në Tiranë dhe e rritur mes Peshkopisë, Përmetit dhe rrugicave të Laprakës, Orla ka përfunduar studimet në Ekonomi dhe Kontabilitet në Universitetin Bujqësor të Tiranës, ku ka ndjekur edhe një master shkencor në të njëjtën fushë. Me përkushtim dhe profesionalizëm, ajo ka ndërtuar një karrierë solide si kontabiliste dhe specialiste financash, në institucione të rëndësishme kombëtare dhe ndërkombëtare, si në Shqipëri ashtu edhe në Itali.

Aktualisht është në proces certifikimi si Eksperte Kontabël dhe punon në një kompani të njohur ndërkombëtare në Milano si kontabiliste e lartë. Përvoja e saj përfshin bilancet, auditimet, deklaratat tatimore dhe planifikimin buxhetor – një rrugëtim profesional i mbështetur mbi vlera të transparencës, përgjegjshmërisë dhe ndershmërisë financiare.

Orla vjen nga një familje me traditë të theksuar në shërbim publik dhe integritet qytetar. Është mbesa e dy figurave të njohura të qëndresës dhe lirisë së vendit ne Luftën Nacional-çlirimtare, vajza e një Kryekomisari të Policisë Shkencore dhe e një sipërmarrëseje në fushën e arsimit. Këto vlera të drejtësisë, përkushtimit dhe ndershmërisë i ka trashëguar e mishëruar në çdo hap të jetës së saj.

Përtej profesionit, ajo është një shpirt kurioz dhe aktiv – e apasionuar pas udhëtimeve, aventurave dhe historive njerëzore që pasurojnë shpirtin dhe lidhin njerëzit. Ka qenë pjesëmarrëse aktive në shumë kauza qytetare, si mbrojtja e Teatrit Kombëtar apo protestat kundër importit të armëve kimike – sepse beson se demokracia kërkon zë, qëndresë dhe përfshirje.

Me Orlën, në listën e Tiranës vjen jo vetëm një profesioniste e zonja, por edhe një qytetare e angazhuar me rrënjë të thella në historinë e përpjekjeve për liri, dinjitet dhe drejtësi në këtë vend. Ajo beson se politika nuk është thjesht pushtet, por një mjet për ta bërë të drejtën të dëgjohet me zë të fortë.

Prej 3 vitesh anëtar i Lëvizjes BASHKË.

Arsimi:

• Arsim i lartë (1966-1971), Universiteti Shtetëror i Tiranës

Kualifikime:

• Staticiene, Universiteti Shtetëror i Tiranës
• Njohëse e gjuhës ruse, Universiteti Shtetëror i Tiranës

Eksperienca pune:

• Urbaniste-arkitekte, NIADA PROJEKT
• Drejtuese, ISPUA
• Pedagoge, Shkollë e mesme profesionale, Vlorë
• Inxhiniere Zbatimi, Ndërmarrje ndërtimi, Vlore

Prej 3 vitesh anëtar i Lëvizjes BASHKË.

Arsimi:

• Arsim i mesëm, Gjimnazi "Karl Gega", Tiranë

Eksperienca pune:

• Magazinier, ADD
• Operator Makinerie, PRODZN
• Magazinier, KRACO

E angazhuar në çështje sociale.

Arsimi:

• DIND Kimi e Përgjithshme, Universiteti i Tiranës

Kualifikime:

• Airport crisis management, Belleair
• GDS IATA Certificate, IATA

Eksperienca pune:

• Eksperte Burimesh Njerëzore, Medihospes
• Supervizore në shërbim klienti, Belleair
• Konsulente turizmi, Ernst Airline

Aktivist i Lëvizjes BASHKË.

Arsimi:

• M.Sc Inxhinieri Hidroteknike, Universiteti Politeknik i Tiranës
• Bachelor Inxhinieri Hidroteknike, Universiteti Politeknik i Tiranës

Eksperienca pune:

• Drejtor kantieri, DATON sh.p.k
• Ekspert hidroteknik, ECC sh.p.k
• Ekspert hidroteknik, PNI-2001 sh.p.k

Anëtare e Lëvizjes BASHKË.

Arsimi:

• MSc Kimi Industriale dhe Mjedisore, Fakulteti i Shkencave të Natyrës, UT
• BA Kimi Industriale dhe Mjedisore, Fakulteti i Shkencave të Natyrës, UT

Kualifikime:

• Programim në Java, Dominusoft

Eksperienca pune:

• Punonjëse, Mc Donald's, Gjermani
• Agjente shitje, Ritello
• Operatore, Oas

Angazhuar në çështje studentore dhe sociale.

Arsimi:

• Master Profesional, Fakulteti i Gjeologji Minierave, UPT
• BA Inxhinieri Gjeologjike, Fakulteti i Gjeologji Minierave, UPT

Kualifikime:

• Akademi Menaxhim Biznesi, EBU
• Trajnim Siguria në Punë, OSHA
• Akademi Drejtor kantieri, Columbia University

Eksperienca pune:

• Inxhinier Projektimi, Gener 2
• Ndihmës-elektriçist, Bruni Electric
• Banakier, Wonder Stroopwafles

Arsimi:

• Diplomë e shkollës së mesme, Ish Shkolla "Skënderbej"

Eksperienca pune:

• Mirëmbajtje e përgjithshme, Lanificio di Torino srl

Aktivist i çështjes studentore.

Arsimi:

• BA Mbrojtje Bimësh, Universiteti Bujqësor

Kualifikime:

• Web Development, Dominusoft Education

Eksperienca pune:

• Menaxher, Nito sh.p.k
• Operator telefonik, Ring Telecom

Prej 2 vitesh i angazhuar në çështje shoqërore dhe politike nëpërmjet Lëvizjes BASHKË.

Arsimi:

• Bachelor, K.U. LOGOS

Kualifikime:

• Graphic Design, Harrz Fultz

Eksperienca pune:

• Nënpunës, Kisha Orthodhokse Autoqefale e Shqipërisë

Angazhuar në çështje sociale dhe gjinore.

Arsimi:

• Arsim i lartë Financë-kontabilitet, Universiteti i Tiranës

Eksperienca pune:

• Financiere, Alba Media
• Financiere, Lizard SHPK
• Ekonomiste, KMA SHPK

Angazhuar në çështjet e mbrojtjes së hapësirave publike.

Arsimi:

• Stomatologji dhe Protezë Dentare, Universiteti "Zoja e Këshillit të Mirë"

Eksperienca pune:

• Administrator, Meteo Kopo

Angazhuar në çështjet mjedisore, shoqërore dhe politike.

Arsimi:

• Master e Drejtë Private dhe Biznesi, UET
• Bachelor Drejtësi, UET

Kualifikime:

• Menaxhim projektesh, ISAT

Eksperienca pune:

• Administrator, INALB TPP SHPK
• Administrator, Agroland SHPK
• Inspektor terreni, DRTT

Anëtare e Lëvizjes BASHKË.

Arsimi:

• Master Kontabilitet Financiar, UET
• Bachelor Finance, UET

Eksperienca pune:

• Ekonomiste, Real Fenix SHPK
• Ekonomiste, Central Pharma Group SHPK
• Ekonomiste, Hybrid Clima Solutions
• Ekonomiste, Ecolife Pharma

Prej 6 vitesh e angazhuar në çështje studentore, shoqërore dhe politike nëpërmjet Lëvizjes BASHKË.

Arsimi:

• Bachelor, Universiteti i Mjekësisë Tiranë

Kualifikime:

• Guide turistike, E-Travel
• Praktikë pune infermiere, Inovita
• Ndihmëse-dermatologe, Helens Bio Line

Eksperienca pune:

• Menaxhere, E-Travel

Angazhuar në kauza shoqërore dhe politike.

Arsimi:

• Master Kontabilitet dhe Auditim, Fakulteti i Ekonomisë, UT
• BA Financë-Kontabilitet, FE, Universiteti "Fan S. Noli", Korçë

Eksperienca pune:

• Financier, Sun Impex SHPK

Prej vitesh e angazhuar në çështje shoqërore dhe politike.

Arsimi:

• Arsim i mesëm, Gjimnazi "Petro Nini Luarasi", Tiranë

Eksperienca pune:

• Sipërmarrëse, Leomer

Angazhuar në çështje shoqërore dhe politike nëpërmjet Lëvizjes BASHKË.

Arsimi:

• Arsim 8-vjeçar, Shkolla 8-vjeçare Dorëz

Eksperienca pune:

• Ndërtim, I vetëpunësuar

Arsimi:

• Mjekësi e Përgjithshme, Universiteti i Tiranës

Kualifikime:

• Specializim radiologji, Universiteti i Tiranës

Eksperienca pune:

• Mjek Radiolog, QSU Nënë Tereza

Anëtar i Lëvizjes BASHKË.

Arsimi:

• BSc Financë Bankë, UET

Eksperienca pune:

• Drejtor i përgjithshëm prodhimi, Alb Design
• Financier, Kristal Consulting SHPK
• Financier, Fondacioni "Fëmijët të parët"

Anëtar i Lëvizjes BASHKË.

Arsimi:

• Arsim i mesëm, Gjimnazi "Myslym Keta"

Eksperienca pune:

• Menaxher, Noor
• Banakier, Noor

E aktivizuar në Lëvizjen për Universitetin dhe Organizatën Politike prej vitit 2018. E angazhuar në Lëvizjen BASHKË prej 2021.

Arsimi:

• Master TAL/NPL, Université Sorbonne Paris Nord
• Master Trajtimi Automatik i Gjuhës, Fakulteti i Gjuhëve të Huaja, UT
• Bachelor Informatikë Ekonomike, Fakulteti i Ekonomisë, UT

Kualifikime:

• Full Developer Java, ikubINFO
• Kurs Cloud Data Analyst, Instituti i Modelimeve në Biznes

Eksperienca pune:

• Intership Machine Learning, INRIA Paris
• Intership Cloud Data Analyst, Instituti i Modelimeve në Biznes
• Financiere, IKESH

Alban Pira vjen në politikë jo si produkt i sistemit, por si një ndër zërat më të qëndrueshëm kundër padrejtësive që ky sistem ka prodhuar. Ai është një nga ata që nuk zgjodhi të largohej për t’u mbyllur në një jetë individuale jashtë vendit, por që ka vijuar të angazhohet politikisht dhe shoqërisht, kudo që ka qenë, me një ndjenjë të fortë përgjegjësie ndaj Shqipërisë dhe shqiptarëve.

Alban Pira është bashkëthemelues i Lëvizjes “Universiteti në Rrezik” dhe më pas i “Lëvizjes Për Universitetin”, dy nisma studentore që ngritën zërin kundër komercializimit të arsimit dhe ndërtimeve klienteliste mbi hapësirat universitare. Ai ishte mes të rinjve që organizuan protesta, bënë presion publik dhe u përballën me pushtetin për të mbrojtur të drejtën për arsim cilësor e publik.

Alban Pira ka studiuar Shkenca Politike në Shqipëri, ku u formua me një kuptim të thellë të sfidave demokratike në një vend si i yni, që shpesh ka funksionuar pa shtet e pa drejtësi. Më pas, ai vazhdoi studimet në Politika Publike në Gjermani, në një kontekst ku mirëqenia dhe drejtësia sociale janë produkt i politikave konkrete dhe pjesëmarrjes qytetare. Kjo përvojë arsimore ndërkombëtare i dha atij jo vetëm dije teorike, por edhe qartësi praktike mbi atë që funksionon dhe atë që duhet të ndryshojë në Shqipëri.

Gjatë qëndrimit të tij në Gjermani, Alban Pira ka punuar si përkthyes në gjykata dhe institucione të ndryshme publike, në ndihmë të emigrantëve shqiptarë dhe të huaj. Aty ka parë nga afër sfidat që përballen bashkëkombasit tanë jashtë vendit, nga problemet me dokumentacionin e deri te betejat për integrim e dinjitet. Kjo punë i ka mprehur ndjeshmërinë sociale dhe e ka lidhur edhe më fort me realitetin e shqiptarëve të diasporës, që shpesh ndihen të braktisur nga shteti amë.

Alban Pira nuk është kufizuar vetëm në ndihmën individuale. Prej 1 viti ai është drejtues për diasporën në Lëvizjen BASHKË në diasporë, ku ka punuar për të krijuar struktura të Lëvizjes jashtë Shqipërisë. Ai ka qenë pjesë aktive në ndërtimin e grupeve të punës dhe angazhimin e anëtarësisë nga diaspora duke promovuar jo vetëm pjesëmarrjen, por edhe mendim kritik, vetëorganizimin dhe formimin politik. Për të, diaspora nuk është vetëm një aset ekonomik për Shqipërinë, por një pjesë e gjallë e kombit, që ka të drejtë të përfaqësohet, të dëgjohet dhe të marrë pjesë në vendimmarrje.

Kandidatura e Alban Pirës është thirrje për një politikë të re, të bazuar në dije, përvojë konkrete dhe përkushtim të ndershëm. Ai është zëri i atyre që kanë protestuar në rrugë, që kanë punuar në emigrim, që kanë studiuar për të kuptuar botën dhe që sot duan të ndërtojnë një Shqipëri më të drejtë.

Shqipëria ka nevojë për përfaqësues që nuk kërkojnë karrige por përgjegjësi. Për njerëz që e njohin dhimbjen e largimit dhe ëndrrën e kthimit. Që nuk vijnë për të marrë, por për të ndërtuar një vend ku askush nuk detyrohet të largohet.

Arsimi:

• Arsim i mesëm, Gjimnazi "Myslym Shima"

Kualifikime:

• Copier - Inginier, RICON
• Inxhinier IT, ADAPT
• Teknik fotokopje dhe printer, ADAPT

Eksperienca pune:

• Menaxhim biznesi, Universal Office
• Inxhinier, Rikon AL
• Inxhinier, Colombo
• Drejtues, ILLYRICUM Movement

Arsimi:

• Arsim i Lartë Gjuhë-letërsi, FHF, Universiteti i Tiranës

Eksperienca pune:

• Cicerone/Studiuese, Galeria Kombëtare e Arteve, Tiranë

Arsimi:

• Master Mësuesi Biologji AML, Universiteti i Tiranës
• Master Biologji Molekulare, Universiteti i Tiranës
• Bachelor Biologji, Universiteti i Tiranës

Eksperienca pune:

• Specialiste hedhje të dhënash, Meetrical Engineering
• Operatore telefonike, Teleperformance
• Mësuese biologjie, Gjimnazi "Ismail Qemali"

Anëtar i Lëvizjes BASHKË.

Arsimi:

• Arsim 8-vjeçar, Shkolla "Shefqet Nurellari"

Eksperienca pune:

• Punonjës prestar, Era SHPK
• Punonjës prestar, Dalba SHPK

Arsimi:

• Drejtësi, Universiteti Kristal

Eksperienca pune:

• Avokat, Dziekonski Übersetzungsbüro
• Supervizor/Kujdesi ndaj klientit, OSHEE

Arsimi:

• Arsim i mesëm, Shkolla e mesme "Muhamet Kondi"

Eksperienca pune:

• Sekretare, Oxford School of English, Padova

I angazhuar në Lëvizjen "Universiteti në Rrezik", Lëvizjen "Për Universitetin", Organizata Politike dhe Lëvizja BASHKË.

Arsimi:

• MA Regji filmi, Universiteti i Arteve, Tiranë
• BA Regji filmi, Universiteti i Arteve, Tiranë

Eksperienca pune:

• Regjisor, A2CNN
• Asistent produksioni, Anima Pictures
• Regjisor, Top Channel

Prej 10 vitesh i angazhuar në çështje mjedisore, shoqërore dhe politike.

Arsimi:

• Bachelor Drejtësi, Universiteti i Tiranës

Kualifikime:

• Niveli B2 anglisht, APTIS

Eksperienca pune:

• Recepsionist, Boutique Hotel Adelar
• Operator Telefonik, Teleperformance
• Operator Telefonik, Turizëm Dentar

Etrid Ziflaj ka lindur më 18 dhjetor 1993 në Tepelenë. Në periudhën 1997-2000, familja e tij emigroi drejt Greqisë, por u rikthyen në Shqipëri për t'u siguruar që fëmijët të nisnin shkollimin në atdhe. Pas përfundimit të gjimnazit në qytetin e Fierit, Etridi vijoi studimet universitare në Tiranë dhe më pas në Austri, ku u diplomua në Gjuhë Gjermane dhe Informatikë Ekonomike.

Pavarësisht se vinte nga një familje në gjendje të mirë ekonomike, Etridi ka punuar që në moshën 15-vjeçare si kamarier. Përvojat e tij të punës përfshijnë pozicione si kamarier, banakier dhe menaxher në sektorin e hoteleri-turizmit, deri në moshën 29-vjeçare. Prej më shumë se dy vitesh, ai punon në profesionin për të cilin është diplomuar.

Etridi ka qenë gjithmonë i angazhuar me zhvillimet në Shqipëri përmes rrjeteve sociale, duke mbështetur kauza shoqërore si kandidimi i minatorit Elton Debreshi në zgjedhjet parlamentare të vitit 2021, protestat për mbrojtjen e Teatrit Kombëtar dhe ato të studentëve.

Në tetor të vitit 2024, ai iu bashkua Lëvizjes BASHKË. Që prej atëherë, është angazhuar kryesisht me informimin dhe organizimin e anëtarëve të diasporës së Lëvizjes. Gjithashtu, ka përgatitur dokumentacionin për regjistrimin ligjor të bazës së Austrisë si një shoqatë, me qëllim mbrojtjen e shqiptarëve ndaj padrejtësive dhe ofrimin e mbështetjes me informacione apo kërkesa të ndryshme.

Aktualisht, Etrid Ziflaj është kandidat i Lëvizjes BASHKË në qarkun e Tiranës për zgjedhjet parlamentare të vitit 2025. Angazhimi dhe kontributi që ai synon të japë në skenën politike shqiptare përqendrohet në luftën për drejtësi sociale në dobi të të gjitha shtresave të shoqërisë, ruajtjen e mjedisit dhe promovimin e artit dhe kulturës.

Etrid Zifla shpreh besimin se së bashku mund ta ndryshojmë vendin tonë