Vetëm programi i Lëvizjes BASHKË mund ta rimëkëmbë Fierin me rrethinat

Prej disa ditësh, aktivistë të Lëvizjes BASHKË janë në qytetin e Fierit, por edhe në rrethinat e tij, për të prezantuar qytetarët me shtyllat programore për shtet zhvillimor, shtet social dhe shtet të së drejtës.

Përveçse në rrugët e qytetit të Fierit, ata kanë udhëtuar edhe drejt disa tregjeve fshatare në Cakran, Topojë, Lagjia "1 Maji" etj, ku janë njohur për së afërmi me gjendjen e fshatit, i cili është në prag të vdekjes, qoftë në popullatë dhe sidomos në prodhimtari ekonomike. Uji, rrugët, shkollat janë ankesat e zakoshme, tashmë 30 e ca vjeçare.

Sakaq qyteti i Fierit nuk është në gjendje më të mirë. Hiq kozmetikën urbane që shngjyroset dita-ditës, shkrehja e qytetit është shqetësimi i të gjithëve. Ka gjithnjë e më pak nxënës në shkolla, fabrika tekstili që falimentojnë, radhë gjithnjë e më të gjata papunësie, institucione të stërfryra që s'punojnë e as japin drejtësi, kosto jetese në rritje e sipër dhe një administratë lokale që e urrejnë të gjithë.

Prandaj, në këto kushte, programi i Lëvizjes BASHKË dhe konsekuenca politike e saj janë alternativa. Rimarrja e burimeve të mëdha natyrore nën pronësi shtetërore dhe qeverisje publike, ringritja e industrisë përpunuese, rivlerësimi i bujqësisë si një sektor prioritar, minimumi jetik dhe çlirimi i ekonomisë dhe shtetit nga klikat e vjetra në dobi të vërshimit të vrulleve të reja shoqërore, janë alternativa jonë.

Vetëm Lëvizja BASHKË e ka vizionin ta kthejë Fierin në atë çka duhet të ishte: një pol të rëndësishëm industrial, urban dhe kulturor të Shqipërisë.

BASHKOHUNI ME LËVIZJEN TONË!