TAKIM ME SOCIALDEMOKRATË ZVICERIANË

Sot në mjediset e Lëvizjes BASHKË pritëm një delegacion nga Partia Socialdemokrate e Zvicrës ku biseduam rreth ideve dhe angazhimit tonë politik, si dhe situatës së përgjithshme të Shqipërisë. Minimumi jetik, të drejtat në punë dhe shkollë, çështjet e strehimit dhe sfidat e demokracisë ishin disa nga temat e diskutimit të drejtuar nga Sekretarja Organizative Mirela Ruko, bashkë me anëtaret e Këshillit Koordinues Ariela Zeneli dhe Joana Meraja. Falenderojmë miqtë socialdemokratë zvicerianë për vizitën duke besuar se solidariteti ndërkombëtar mes forcave progresiste është një ndihmë shtesë në përpjekjen e popujve për drejtësi dhe ndryshime pozitive.