Takim me punëtorët

Sot në selinë e Lëvizjes BASHKË u mblodhëm me punëtorë të profesioneve të ndryshme për të diskutuar mbi problemet kryesore të punës në Shqipëri.

Vendi ynë mbetet në fund të Evropës për sa i përket sigurisë dhe të drejtave në punë. Kjo reflektohet në vdekjet, gjymtimet dhe orët e zgjatura të punës.

Punëtorët vuajnë edhe nga degradimi i shërbimeve publike. Veçanërisht mangësitë në infrastrukturën arsimore sjellin vështirësi të mëdha të jetës së përditshme të familjeve punëtore.

Nga ana tjetër, strehimi është bërë krejt i papërballueshëm. Pagat e punëtorëve mezi përballojnë qiratë, lere më blerjen e një shtëpie.

Në programin e saj për zgjedhjet në Bashkinë e Tiranës, Lëvizja BASHKË do t'u japë zgjidhje problemeve të mëdha me të cilat ndeshen familjet punëtore, prej hapësirave çlodhëse, çerdheve, kopshteve, shkollave te strehimi i përballueshëm.