SPAK sekuestroi kompaninë e incineratorit të Tiranës

SPAK sekuestroi sot kompaninë e incineratorit të Tiranës për shkelje të ligjit financiar. Sipas Prokurorisë, kompania “Integrated Energy B.V. S.P.V” ka lëshuar miliona euro fatura të falsifikuara, të paguara nga taksapaguesit shqiptarë.

Hetimi ka identifikuar Klodian Zoto dhe Mirel Mërtiri si pronarët e vërtetë të kompanisë. Qeveria e kryeministrit Edi Rama kishte dhënë tre kontrata koncesionare për ta, dy prej të cilave ishin sekuestruar më herët nga SPAK, ndërsa hetimet për të tretin vazhdojnë. Pronarët e kompanisë ishin regjistruar në Holandë, ndërsa dyshohet se persona italianë dhe francezë ishin fasadë për t'i fshehur ata.

Nga viti 2017 deri në 2021, qytetarët shqiptarë paguan kompaninë rreth 7.9 miliardë lekë në tarifa koncesionare dhe depozitim. Deri në gusht të vitit 2023 fusha e mbetjeve të Tiranës, sipas BIRN, mund t'u kenë kushtuar taksapaguesve shqiptarë rreth 100 milionë euro.

Hetimet nuk mund të konsiderohen të plota nëse nuk arrijnë tek Erion Veliaj, si hartuesi i skemës së incineratorit të Tiranës dhe Edi Rama si shefi i madh i të tre incineratorëve.

Këto miliona euro që kanë shkuar në xhepat e qeveritarëve mund të ishin përdorur për vendosjen e minimumin jetik, ndërtimin e spitaleve apo shkollave të reja.

Këto nuk janë vetëm krime ekonomike, por shprehëse të një sistemi fund e krye të korruptuar e çnjerëzor, fundi i të cilit duhet sjellë një orë e më parë.