Përfundon mbledhja e mbi 5000 nënshkrimeve!

Sot, Lëvizja BASHKË përmbylli me sukses procesin e mbledhjes së 5000 nënshkrimeve të nevojshme për t'u regjistruar në zgjedhjet parlamentare të 11 majit. Më shumë se 5000 qytetarë kanë firmosur për të mbështetur një alternativë të re, të ndershme dhe të pakompromentuar me politikën e vjetër.

Ky është një hap i rëndësishëm drejt sjelljes së zërit të qytetarëve në parlament, për të mbrojtur interesat e punëtorëve, pensionistëve dhe të rinjve që kërkojnë një të ardhme më të drejtë në Shqipëri. Lëvizja BASHKË do të vijojë angazhimin e saj për rritjen e pensioneve, përmirësimin e kushteve të punës, garantimin e minimumit jetik dhe zgjerimin e politikave sociale që vendosin në qendër nevojat e shumicës.

Ky moment historik është vetëm fillimi i një beteje të madhe për të çuar në parlament kauzat dhe zërin e mijëra shqiptarëve që kërkojnë ndryshimin. Ftojmë të gjithë ata që besojnë në drejtësinë sociale dhe barazinë të bashkohen me ne për të ndërtuar një Shqipëri më të ndershme dhe më të drejtë!