NË KRAH TË BANORËVE TË MARTANESHIT

Pamje nga protesta e banorëve të Martaneshit për mbrojtjen e burimeve ujore

Sot përfaqësuesit e Lëvizjes BASHKË iu bashkuan banorëve të Martaneshit në protestën për mbrojtjen e burimeve ujore. Prej kohësh firma Teodori 2003 po përpiqet të marrë ujë nga liqeni i Sopës, duke devijuar ujërat e basenit ujëmbledhës të Matit. Ky krim mjedisor do të dënojë me thatësirë katër fshatra të zonës.

Kuçedrat e oligarkisë u janë sulur fshatrave anembanë Shqipërisë. Edi Rama, ministrat dhe kryebashkiakët e tij janë thjesht shërbëtorët e këtyre grabitqarëve.

Thirrja e Lëvizjes BASHKË për banorët e Martaneshit dhe të gjitha fshatrave të rrezikuara, është që të bashkohemi një orë e më parë në protesta përpara kryeministrisë. Përndryshe, kjo qeveri hajdutësh nuk do të lërë fshat në këmbë.