LËVIZJA BASHKË SOLIDARIZOHET ME PUNËTORËT

Naftetarët në protestë, me pankarta dhe nje banderole qe shkruan 'ZËRI ZNË NUK HESHTET. DINJITET PËR NAFTËTARËT'

Lëvizja BASHKË shpreh mbështetjen dhe solidaritetin e plotë me punëtorët e Bankers Petroleum, të cilët sot dhe nesër kanë vendosur të pezullojnë punën për të mbrojtur dinjitetin dhe të drejtat e tyre.

Zëri i tyre është përpjekur të heshtet nga pronarët e Bankers, të cilët kanë blerë heshtjen e mediave kryesore si Top Channel dhe TV Klan, duke u siguruar që grevat dhe protestat e tyre të mos pasqyrohen. Kjo është një strategji e njohur ku të mbyllet çdo kanal informimi, injorohet zëri i punëtorëve dhe të shitet imazhi i një kompanie “suksesi”.

Por e vërteta është tjetër: prej 20 vitesh, të gjitha qeveritë kanë menduar vetëm për pjesën e tyre në korrupsion, duke lejuar që pasuria publike të zhvatet, ndërsa punëtorët e naftës mbeten të shfrytëzuar dhe të varfër.

Pankartë nga protesta,

Naftëtarët kërkojnë jo më shumë sesa atë që u takon: paga të drejta, kushte të sigurta pune dhe respektim të kontratës kolektive. Këto janë kërkesa minimale për çdo shoqëri që pretendon të jetë demokratike dhe sociale.

Lëvizja BASHKË do të jetë gjithmonë në krah të punëtorëve, kundër oligarkëve dhe korrupsionit politik që ka shkatërruar vendin.