LËVIZJA BASHKË PREZANTON PROGRAMIN

Disa prej aktivistëve të Lëvizjes BASHKË duke ecur dhe bërë fushatë nëpër rrugët e Tiranës

Pas një viti e tre muajsh punë të dhjetëra ekspertësh, Lëvizja BASHKË ka mundësinë t'u paraqesë qytetarëve idetë për transformimin e madh për të cilin ka nevojë vendi.

22 kapitujt e programit të Lëvizjes BASHKË janë ndarë në katër fusha të mëdha: shteti zhvillimor, shteti social, shteti i së drejtës dhe pjesëmarrja qytetare. Pa një hov zhvillimor të qëndrueshëm, pa një shtet social që mundëson rritjen e pensioneve dhe përmirësimin e ndjeshëm të shërbimeve publike, pa një shtet të së drejtës që lufton korrupsionin e kapjen e shtetit dhe pa një demokratizim të jetës politike e shoqërore, Shqipëria nuk do të mund të dalë nga bataku ku e kanë vendosur ata që e kanë qeverisur deri më sot.

Ftojmë të gjithë qytetarët që ditën e mërkurë, në orën 18:00, të na bashkohen në prezantimin e programit tonë në sallën "A Underground" të Pallatit të Kongreseve.