KUNDËR IMUNITETIT PËR TË KORRUPTUARIT

Së bashku me qytetarë dhe simpatizantë, protestuam sot para dyerve të Kuvendit të Republikës kundër amnistimit të Belinda Ballukut. Imuniteti juridik dhe politik i garantuar nga Edi Rama, si dhe gjuha gjithnjë e më e ashpër e tij kundër drejtësisë, janë një paralajmërim për shfuqizimin e reformës në drejtësi nëse rrethi i akuzës shtrihet edhe mbi vetë Edi Ramën.

Belinda Balluku mund të bjerë vetëm simbolikisht, por në vend të saj po ngrihet “ballukizmi” si një ideologji e re e korrupsionit shtetëror, që normalizon vjedhjen, pandëshkueshmërinë dhe autoritarizmin.

Shfaqjes dramatike me 16.000 faqe dosje hetimore për Belinda Ballukun po i vjen fundi dhe ajo po na tregon, mbi të gjitha, fytyrën e vërtetë të Edi Ramës: atë të një njeriu të implikuar dhe nën shantazh, i cili fshihet burracakërisht pas imunitetit parlamentar.

Ne nuk do të sprapsemi nga rrugëtimi ynë i drejtë dhe falënderojmë të gjithë qytetarët për pjesëmarrjen dhe për forcën shpirtërore të rezistencës përballë një pushteti në dekompozim të plotë moral dhe politik.