GËZUAR BAJRAMIN E MADH TË GJITHË BESIMTARËVE MYSLIMANË!

Bajrami i Madh është festa që kremton fundin e një muaji përplot sakrifica ku besimtari, duke refuzuar tundimet e trupit, purifikon shpirtin e tij. T’u rezistosh joshjeve të mishit dhe të dynjallëkut, për shumë mistikë islamë, është rruga që shpie më afër Krijuesit.

Bajrami ka edhe një kuptim tjetër, atë të bashkimit në solidaritet të shtresave të ndryshme shoqërore. Në tridhjetë ditë agjërim, i pasuri mëson se ç’do të thotë të jesh i uritur, i shëndetshmi se ç’do të thotë të jesh i pamundur, i hareshmi se ç'është vuajtja.

Prandaj edhe ky Bajram, përveç gëzimit në familjet tona, urojmë të ketë sjellë sa më shumë reflektim për paqe, drejtësi dhe dashuri për njëri tjetrin!

Lëvizja BASHKË u bashkohet besimtarëve myslimanë në festimin dhe urimin e kësaj dite të shënuar të rrugëtimit drejt virtytit dhe solidaritetit mes njerëzve!