E REJA PO LIND MES GËRMADHAVE TË POLITIKËS SË VJETËR

Kandidatët e Lëvizjes BASHKË në skenë duke përshendetur pjesëmarrësit pas takimit përmbyllës të fushatës.

Sot, mes entuziasmit dhe masivitetit, Lëvizja BASHKË mbajti takimin e fundit elektoral. E nisëm në Fier, e vazhduam në të gjitha qarqet e vendit dhe e mbyllëm në Tiranë. Rrugë më rrugë, treg më treg, qytet më qytet. Pa asnjë kompromis me paranë e madhe dhe pushtetin e vjetër. Me lajmin e thjeshtë e të mirë: E reja po lind. E reja po lind mes gërmadhave dhe përbindshave të politikës tridhjetëvjeçare.

Në takim u fol për rrugëtimin tonë mbi katërmbëdhjetëvjeçar, për të veçantat e fushatës, për programin, për njerëzit tanë, për plagët e vendit dhe aspiratat e qytetarëve, për drejtësinë dhe padrejtësinë, por mbi të gjitha për zotimin se nuk do ti tradhëtojmë kurrë, po kurrë, interesat e qytetarëve.

Ju falenderojmë të gjithëve për mbështetjen dhe shkojmë krenarë e shpresëplotë drejt 11 majit.