BASHKË ME PENSIONISTËT

Sot përfaqësuesit e Lëvizjes BASHKË u takuan me pensionistë aktivë në protestat e vitit të shkuar. Së bashku biseduam për gjendjen ekonomike gjithnjë e më të rëndë të pensionistëve dhe neglizhencën kriminale të qeverisë ndaj fatit të mbi 700,000 qytetarëve në moshë pensioni.

Përtej dokrrave propogandistike të Edi Ramës dhe ministrave të tij, Shqipëria mbetet vendi me pensionet më të ulëta në Evropë.

Brenda dhe jashtë parlamentit, Lëvizja BASHKË do të vazhdojë ta ngrejë zërin për vendosjen e minimumit jetik, rritjen substanciale të pensioneve, miratimin e Statusit të Minatorit dhe një varg masash sociale jetike për qytetarët.

Në fund të takimit ramë në një mendje që të gjithë bashkë ta risjellim çështjen e pensioneve në qendër të aksioneve tona politike dhe në vëmendjen e opinionit publik.