21 JANARI, DITA E NJË KRIMI TË PANDËSHKUAR DHE E NJË HIPOKRIZIE TË PAKUFISHME

Si sot 12 vjet më parë armët e shtetit vranë katër qytetarë të pafajshëm: Hekuran Deda, Ziver Veizi, Aleks Nika dhe Faik Myrtaj. Protestohej kundër qeverisë së Sali Berishës për 7-përqindëshat e Ilir Metës. Thirrësi i protestës Edi Rama i braktisi protestuesit që në minutat e para, duke u fshehur kushedi se ku.

Sot, pas 12 vjetësh, nuk ka drejtësi për qytetarët e pushkatuar.

Sot ende shteti vret qytetarë: kujtojmë të riun Klodian Rasha.

Sot korrupsioni ende vret qytetarë: kujtojmë vdekjen e djaloshit Ardit Gjoklaj në landfillin e Sharrës.

Sot përgjegjësit e këtyre krimeve i fyejnë viktimat me hipokrizinë e tyre.

Sot Shqipëria është një vend akoma edhe më i sfilitur nga hajdutët me pushtet, grykësia e oligarkëve, varfëria dhe pabarazia ekstreme.

Sot Shqipërisë i mungon drejtësia.

E vetmja rrugë për ta mëkëmbur vendin është bashkimi ynë rreth ideve të reja e emancipuese.

Sot, jo nesër.