Një tjetër minator u varros për së gjalli.
Si përherë është burrë ndër të 50-at, sepse të rinjtë masivisht kanë hipur në gomonet për në Angli.
Një tjetër numër, një statistikë në raportet vjetore të të vdekurve në punë.
Inicialet i ka K.L. Dy gërma të alfabetit, si përherë.
Një tjetër hije që u zhduk në heshtje, që hyri brenda malit e nuk do të dalë më kurrë, së bashku me qindra kufomat e shokëve të tij.
Për ta heshtin të gjithë, politikanë e oligarkë, pushtetarë e opozitarë, hesht mali që s’bëzan.