Dje ishte 125 vjetori i lindjes së filozofit Walter Benjamin. Me kontribute të mëdha në teorinë kritike marksiste dhe letrare, ai vazhdon të mbetet një referencë e çmuar jo vetëm historike, por edhe kontekstuale. Benjamin i dha fund jetës së tij në 1940 në kufirin franko-spanjoll teksa i arratisej forcave naziste për shkak të origjinës hebreje dhe ideve në të cilat besonte.
“Subjekti i njohjes historike është vetë klasa e shtypur që lufton”.
“Tradita e të shtypurve na mëson se “situata e jashtëzakonshme” në të cilën jetojmë nuk është përjashtim, por rregull”.
“Nuk ekziston asnjë dokument i qytetërimit që nuk dëshmon në të njëjtën kohë barbarizmin”.